Меню
6+

Сайт «Кюре»

25.07.2020 12:01 Суббота
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Н. Ш. Абдулмуталибова совещанида иштиракна

Дагъустан Республикадин образованидин ва илимдин министр Уммупазиль Омаровади ВКС-дин къайдада тухвай совещанидал муниципалитетрин кьилерихъ галаз 2020-2021-цIийи кIелунин йисаз гьазурвилер акунин месэлаяр веревирдна.

Онлайн-совещанидин кIвалахда Сулейман-Стальский райондин Кьил Нариман Абдулмуталибовани иштиракна.

Малум тирвал, ДР-дин Кьил Владимир Васильева теклифай «100 школ» проектди алай йисуз вичин мумкинвилер артухарнава. Коронавирусдин пандемиядизни килиг тавуна шегьеррин ва районрин муниципальный округри школайра ремонтрин кIвалахар тухунин патахъай 144 арза ганва. Санлай школайра 376,6 миллион манатдин къимет авай ремонтрин кIвалахар тамамарда. 39 муниципалитетдай арзаяр гайи 144 школадикай 136 школа комиссияди гъалиб хьайибур яз гьисабзава.

Сулейман-Стальский районда «100 школ» проектдай Р. Османован тIварунихъ галай Герейханован 1-нумрадин, М. Къараханован тIварунихъ галай КIварчагърин, Кьасумхуьруьн 1-нумрадин ва ЦIийи Макьарин юкьван школаяр ремонт хъийида. Объектриз проектдинни-сметадин документар гьазурнава.

ДР-дин министр Уммупазиль Омарова террориствилин гьерекатрикай хуьнин лазимвал авай образованидин организацийрин объектрин паспортизация авунин месэладал кьетIендаказ акъвазна. Сулейман-Стальский районда и кIвалах тухвана эхирдиз къвезва.

Мадни, чи райондин образованидин 10 идарада чимивал гудай система, дакIарар ва ракIарар дегишарунин кIвалахарни тухузва.

Совещанидал школаяр цIи-йи кIелдай йисаз гьазурунихъ галаз алакъалу тир маса месэлайризни килигна.

Х. Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

15