Важиблу месэлаяр – нубатдин совещанидал
Алай йисан 20-июлдиз Сулейман-Стальский райондин Кьил Нариман Абдулмуталибован регьбервилик кваз кьиле фейи совещанидал коронавирусдин инфекциядихъ галаз алакъалу яз сергьятвилер алудунин 2-этапдал тамамвилелди элячIунин ва 3-этапдиз гьазур хьунин, гьакIни агьа лияр хъвадай целди таъминарунин ва социально-экономиический месэлаяр гьялунин месэлайриз килигна.
Совещаниди вичин кIвалах башламишдалди вилик райондин Кьил На риман Абдулмуталибова райадминис трациядин крар ида ра ийизвайди тир Рамазан Абдулазизовав, райондин хуьруьн майишатдин ва суьрсетдин управленидин начальникдин заместитель Гьамидин Абдулкъафаровав рикIел аламукьдай сятер, «село Хпюк» АСП-дин кьил Ямудин Ягъибеговав райондин Гьуьрметдин грамота, райондин Жегьилрин парламентдин председатель Эльвира Небиевадив Чухсагъулдин чар вахкана.
Совещанидал коронавирусдин инфекция чкIунихъ галаз алакъалу яз арадал атанвай гьаларикай райондин центральный больницадин кьилин духтурдин везифаяр тамамарзавайди тир Жафер Къурбанисмаилов рахана.
И месэладай гьакIни РУО-дин начальник Гьуьсейн Шихбабаев, общественный хатасузвал хуьнин рекьяй райадминистрациядин Кьилин заместитель Абуталиб Фатулаевни рахана.
Агьалияр хъвадай целди таъминарунин месэладай архитектурадинни эцигунрин ва ЖКХ-дин отделдин начальник Хейрулагь Сефералиев рахана. Ада къейд авурвал, «Сардаркент-Даркуш-Казмаляр» групповой водопроводдин эцигунар акьалтIарайла райондин 90 процент агьалияр еридин хъвадай целди таъмин жеда.
«Михьи яд» Милли проектдай Кьулан-СтIалдал, Курхуьрел ва ЦIийи Макьарал хъвадай цин цIийи линияр тухуда, и кар патал госэкспертизациди дуьз къимет ганвай проектдинни-сметадин документар гьазурнава, территорийра планировкадин кIвалах тухванва. И гьазурлухвилин серенжемри 2021-йисуз хъвадай цин линияр дегишардай ва цIийи линияр тухудай мумкинвал гуда.
Райондин Кьил Нариман Абдулмуталибова «Михьи яд» Милли проектда хуьрерин поселенийрин администрацийри иштиракунихъ еке метлеб авайди къейдна.
- Агьалияр хъвадай хъсан еридин целди таъминарун – им алай вахтунда важиблу ва стратегиядин метлеб авай везифайрикай сад я, — лагьана Н. Ш. Абдулмуталибова. – Чна хуьрерин къенепатан линийрин проектдинни-сметадин документар гьикьван фад гьазурна акьалтIарайтIа, гьакьван фад чавай хъвадай цин месэла гьялна акьалтIариз жеда.
Совещанидал Эминхуьруьн ва Агъа-СтIалрин хуьрерин поселенийра налогар кIватIунин, и рекьяй аламай буржар алудунин месэлаярни веревирдна. И месэлайрай райадминистрациядин экономикадин отделдин начальник Саният Вагьабова, ФНС-дин 2-нумрадин районрин уртах инспекциядин начальник Къурбан Яхьяев рахана.
Совещанидин нетижаяр райондин Кьил Нариман Абдулмуталибова кьуна.
Асият Мирзалиева
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
