Меню
6+

Сетевое издание «Кюре»

16.08.2020 18:44 Воскресенье
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Райондин Кьил - хуьрера Райондин эцигунарзавай объектрал

И йикъара райондин Кьил Нариман Абдулмуталибов алай вахтунда эцигунринни ремонтрин кIвалахар кьиле тухузвай гьал ахтармишиз райондин са жерге объектрал фена.

Сифтедай ахтармишунар Ватандин ЧIехи дяведа телеф хьайи чи районэгьлийриз рикIел хуьнин ва гьуьрметдин лишан яз Агъа-СтIалрин хуьруьн сергьятда хкажнавай обелискдилай башламишна. Женгинин баркаллувилин ярж тир и имаратдал цIийикIа туькIуьр хъувунин кIвалахар «Формирование комфортной городской среды» программадай кьиле тухузвайди я. И объектдал кIвалахар кьиле тухун патал 2607259 манат пул чара авунвай. Адакайни 2455456 манат федеральный бюджетдай, 24803 манат республикадин бюджетдай ва 126998 манат пулни муниципальный бюджетдай чара авунва. Проектдин бинедаллаз и объектдал 800 квадратный метрдин майданда тротуардин плиткаяр тунва, 0,8 метрдин кьакьанвал аваз 192 метрдин мензилда ракьукай цIийи жугъун туькIуьрнава, ЛЭП-дин 6 столба акIурнава, экв гудай 11 чIехи лампаяр, ацукьдай скамейкаяр ва чар-затI вегьедай урнаяр эцигнава. КIвалахар саки вири акьалтIарнава. Зулухъай а территория тарар ва цуьквер акIурна аваданламишда.

Гуьгъуьнлай Нариман Абдулмуталибов МВД-дин СтIал Сулейманан районда авай отделдин цIийи дараматдал эцигунрин кIвалахар кьиле физвай гьалдихъ галаз таниш хьана. Къенин йикъалди ана административный ва

спортдин дараматрин, гьакIни яракьдай лишанар ядай чкадин хандакIар яна, ацIурнава. Райондин Кьил и дараматдин проектрихъ галазни таниш хьана.

Гуьгъуьнлай Нариман Абдулмуталибов Герейханован хуьруьн 1-отделенида сквер туькIуьрзавай гьалдихъ, акьалтIарнавай кIвалахрин еридихъ галаз таниш хьана.

Эхирдай райондин Кьил и хуьре авай виликан агьалийриз яшайишдин жигьетдай къуллугъдай комбинатдин куьгьне дараматдал реконструкциядин кIвалахар кьиле тухузвай гьалдихъ галаз таниш хьана ва тухванвай кIвалахрин еридилай вичин разивал къалурна.

Мадни а кар къейд ийиз кIанзава хьи, и хуьруьн поселенидин администрациядиз вичин кIвалахдай дарамат авачир. Гьавиляй анаг яваш-явашдиз ремонт авуна, ишлемишиз вахкун кьетIнава.

Н. Абдулмуталибова районда кьиле тухузвай эцигунринни ремонтрин кIвалахрилай вичин разивал къалурунихъ галаз санал эхирдай гьар са кардив жавабдарвал дериндай гьисс авуналди эгечIунин теклифар гана.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3