Меню
6+

Сетевое издание «Кюре»

16.08.2020 18:42 Воскресенье
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Рехъ капитальный ремонт ийизва

«Хатасуз ва еридин автомобилрин рекьер» милли проектдин сергьятра аваз, Мамрач-Ташкапур-Араканский муьгъ 4-10 км. рекьин участокда капитальный ремонтдин кIвалахар кьиле тухузва.

Автомобилрин рехъ Хив, Агъул ва Кьурагь районрихъ галаз улакьрин алакъа хуьн таъминарзавай шагь дамар хьиз я. И зонада авай дагълух районар вилик тухун патал и рекьихъ экономикадин жигьетдай еке метлеб ава.

Рекьин и участок хуьрерин юкьвай физва ва ам технический жигьетдай нормативрин истемишунрихъ галаз кьазвач, гьакIни рекьерин гьерекатрин хатасузвални таъминарзавачир.

Мамрач-Ташкапур-Араканский муьгъ 4-10 км. рекьин участокда капитальный ремонтрин кIвалахрик эцигунрин кIвалахар кьиле тухузвай зонайрик акатзавай чкайра чилин зулар, яд физвай чкаяр къайдадик кутун, цIийи рекьин зул тухун, гьакIни рекьерин лишанар (знакар) эцигун, яхди физвайбур патал тротуарар тухун, эквер тун таъминарун ва автобусрин остановкаяр къайдадик кутун акатзава. Идахъ галаз сад хьиз и рекьихъ галаз алакъаламиш жезвай куьчейрани тайинарнавай кьадарда аваз къир цада.

Къенин йикъалди чилин зулар туькIуьрунин, кIаник квай къат асфальтобетондалди кIевирунин, экв гудай столбаяр акIурунин ва яд фидай турбаяр кутунин кIвалахар акьалтIарнава. Тротуарар туькIуьрунин, рекьин винелай асфальтдин къат цунин кIвалахар кьиле тухузва.

Рехъ капитальный ремонт авуни са шумуд район яшайишдинни экономикадин рекьерай вилик тухунин кардиз еке куьмек гуда.

Автомобилрин рекье тамамвилелди ремонтрин кIвалахар кьиле тухун алай йисан октябрдин эхирралди акьалтIарун планламишнава

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0