Меню
6+

Сетевое издание «Кюре»

16.08.2020 18:49 Воскресенье
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«СтIалрин багълар» чешне жеда

Кьиблепатан Дагъустанда 195 гектардин майданра «Стальские сады» (ООО Паласа») чIехи инвестиционный проект кардик акатнава. Суперинтенсивный багъ къелемар акIурунин битаввилелди тафаватлу жезва.

И багъларин са гектарда махсусдаказ битмишарнавай сортарин 3300 къелем акIурнава. Зулухъай и багъларин майдан мад 60 гектардин артух хъижеда. Санлай кьурла и багъларин майданрин кьадар эхирдай са агъзур гектардив агакьарун фикирдиз къачунва.

Проект менфятлудаказ уьмуьрдиз кечирмишун патал муниципалитетда мелиорациядин кIвалахар кьиле тухузва. ИкI, 80 агъзур кубометрдин кьадарда яд кIватIдай 3 чка туькIуьрунин нетижада багълариз стIал-стIал яд авахьдай къайдадин система кардик кутунва. Мукьвал вахтара 50 агъзур тонндилай виниз емишар хуьдай гьамбархана эцигун фикирдиз къачунва. И карди емишар РФ-дин маса регионризни ракъурдай мумкинвал гуда.

«СтIалрин багълар» проектди багъманчивал вилик тухуниз цIийи рекьер ачухзава. Хъсан тежриба чна маса регионрални агакьарун герек я. «СтIалрин багълар» проектдин бинедаллаз багъманчийрин республикадин школа ачухун фикирдик ква», — къейдна ДР-дин хуьруьн майишатдин ва суьрсетдин министрдин заместитель Шарип Шарипова.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

38