Меню
6+

Сетевое издание «Кюре»

17.08.2020 16:58 Понедельник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Шегьредилай Цмурдихъ физвай рекье къир цазва

Сулейман-Стальский районда рекьер къайдадиз гъунин, анра къир цунин рекьерай еке кIвалах тухузва.

ИкI, алай вахтунда Дагъустан Республикадин, муниципальный арайринбур тир ва чкадин метлеб авай территориальный автомобилрин рекьер вилик тухунин программадин сергьятра аваз «Дагестанавтодор» ГКУ-ди «Мамрач-Ташкапур-Араканский мост» автомобилрин рекьелай Цмур галай патахъ физвай 4-6 километрдин участокда ремонтрин кIвалахар тухузва. И кIвалахар тухун патал республикадин бюджетрин такьатрин гьисабдай 16 миллион манатдилай виниз пул ахъайнава.

Рекье къир цунин кIвалахар кьиле тухузвай подряддин организация «Югагропромдорстрой» ООО я.

7 метрдин гьяркьуьвал аваз цIийиз къир цазвай рекьин яргъивал саки 2 километр я. Ремонтрин кIвалахар тухудайла рекье 87 информациядин щитар, 19 рекьерин знакар ва рекьин къерехар тирвал 88 бетондин блокар эцигнава.

Алай вахтунда рекье ремонтрин кIвалахар акьалтIаруниз мукьва жезва.

Эхь, райондин рекьер къулайбур ва хатасузбур жезва. И кардай районэгьлийри райондин руководстводиз ва кIвалахар тамамарзавай подряддин организациядиз чухсагъул лугьузва.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

8