Хпуькьрин живе хкуддай мяден
1896-йисуз Англиядин пешекарри Хпуькьа живе (ртуть) хкуддай мяден ачухна.
Анаг 1969-йисуз терг авуна.
Лагьана кIанда, мяден ачухай вахт къалурзавай юридический документар райондин архивда авач. Мяден ачухай йис гьа и мяденда кIвалах авур рабочий, 1912-йисуз дидедиз хьайи ФатIимат Ягъибековадин гафарал бинеламиш хьана кхьенва.
Чиликай живе хкуддай мяденда гзаф миллетрин векилри кIвалахзавай, урусрин кьадар иллаки гзаф тир.
1941-1948-йисарин документрай мядендин директорвиле Агьмедова, кьилин бухгалтервиле А. К. Шевченкоди, счетоводвиле Проскофья Нуровади, мастерар яз Федор Белевцова, Карель Ивана, ГЭС-дин механиквиле Шедралюбов Семена, МОП-да Корчагина Дусяди, перепельщик яз Емельянов Дмитрийди, рабочияр яз Шевцова Феняди, Брильян Марияди, Алиев Тагъиди, Абдул Азиза ва масабуру кIвалахзавай.
1946-йисан 1-январдиз живе хкуддай мяденда рабочияр ва къуллугъчияр яз 59 касди, 1947-йисан 1-январдиз 24 касди кIвалахзавай (мяденда 1946 ва 1947-йисарин 1-январдиз 1-нумрайрик кваз акъудай приказрай).
1942-йисан мартдин вацра Яру Армиядин жергейриз эвер гуникди, 7 кас: десятник, чатун устIар ва 5 рабочий кIвалахдикай азадна.
Райондин государственный архивда живе хкуддай мядендихъ галаз алакъалу тир 1928-1948-йисарин 9 дело хуьзва.
(2004-йисан 29-январдиз архивдай гайи справкадин бинедаллаз).
Гьазурайди Хазран Кьасумов я
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.