Мехъеррин тIварар

Читинин мехъер — санал яшамиш жез са йис хьайила къейдда. Жегьилри чпи чпиз памбагдин парчадин яйлухар пишкешда.

КIарасдин мехъер — вад йис тамам хьайила. Жегьилриз кIарасдикай авунвай шейэр багъишда.

Цинкдин мехъер — ругуд йисни зур алатайла, яни цинкди хьиз нур гудай вахт.

Цурун мехъер — ирид йис алатайла, гъуьлуьни папа сада-садаз цурун тупIалар гуда, гьакI пуларни. Им ван алай хьтин бахтунин лишан я.

КьелечI лацу ракьун мехъер — муьжуьд йис тамам хьанва. И чIавуз итимдизни папаз кIвализ, аваданлухдиз герек шейэр гуда.

Къизилгуьлрин югъ — цIуд йисуз санал яшамиш хьайила. И юкъуз, мехъерин юбилей мубаракиз, къизилгуьлдин цуьквер гваз къведа.

Никелдин мехъер — 12 йисни зур алатайла. И чIавуз жегьилар чпи чеб хъсан тегьерда (формада) аваз хуьн лазим тирвилин патахъай тагькимарда.

Шуьшедин (гуьзгуьдин) мехъер -15 йис тамам хьайила. И чIавуз итимдинни папан араяр ашкарабур, гуьзгуь хьиз михьибур хьун герек я. И юкъуз анжах гуьзгуь¬дин савкьатар багъишда.

Чинидин (фарфор) мехъер — хизандин 20 йис. Стол туькIуьрдайла, чинидин къапар ишлемишзава.

Гимишдин мехъер — 25 йис тамам жезва. И шадвилин мярекатдиз вири багърийризни танишриз теклифда. Къизилдин тупIалрал гимишдинбурни алава хъийида.

Кетендин (агъдин) мехъер — санал алаз 35 йис тамам хьайила, гъуьлуьни папа сада-садаз кетендин дасмаларни месин агъар (простыня) багъишда.

Алюминийдин мехъер — 37 йисни зуралай. Мягькем хизан тирвилин гьакъиндай шагьидвалзава.

Къизилдин мехъер — хизан кутуна 50 йис тамам хьайила, итимдини папа чпи чпиз къизилдин цIийи тупIалар пишкешда.

Алмаздин (бриллиант, багьа къаш) мехъер — 60 йис тамам хьайила. Хизандин мягькемвилин, ам мад чIуриз тежервилин лишан.

Ракьун мехъер — 65 йис.

Къванцин мехъер — 67 йисни зур.

АкьалтIай намуслувилин (благородный) мехъер — 70 йис.

Тажунин (коронный) мехъер — хизандин 75 йис.