Меню
6+

Сайт «Кюре»

Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гуьруьшмиш хьана

16-июндиз СтIал Сулейманан райондин Кьил Нариман Абдулмуталибов вичин бине КIахцугъай тир Кьасумхуьруьн агьали, РФ-дин милли гвардиядин кьушунрин Кеферпатан Къавкъаздин округдин оперативный управленидин старший офицер Мурадхан Агьмедхановахъ галаз гуьруьшмиш хьана.

Мурадхан Агьмедханов ЦIийи поселокдин юкьван школадин выпускник я. Ада 2010-йисуз Россиядин МВД-дин къенепатан кьушунрин Санкт-Петербургдин военный институт лап хъсан къиметралди акьалтIарна, 2020-йисуз – М. В. Фрунзедин тIварцIихъ галай РФ-дин Яракьлу Къуватрин общевойсковой академия – ВУНЦ-ни.

Адахъ илимдин кандидатвилин алимвилин дережа ава, вахтундилай вилик майорвилин чин ганва. Ам «За воинскую доблесть», «За отличное окончание ВОУВО Министерства обороны РФ», «За отличие в службе» ва «Участнику Парада Победы» медалрин, «Лауреат премии правительства Санкт-Петербурга» гьуьрметдин знакдин сагьиб я.

Ам педагогический психологиядин, вилик финин психологиядин, военный психологиядин ва военный илимрин рекьерай кхьенвай 30-далай виниз илимдин макъалайрин авторни я.

Лезги, урус, инглис ва араб чIалар чизва.

Зегьметдин биография Россиядин МВД-дин къенепатан кьушунрин Санкт-Петербургдин военный институтдин курсантвилелай башламишна.

Ам къенепатан кьушунрин Кефердинни РагъакIидай патан региональный командованидин кьилдин бригададин учебный ротадин взводдин, стрелковый ротадин командир яз, кьилдин бригададин учебный центрдин начальникдин заместитель яз, Сосновый бор шегьерда батальондин командир яз хьана, «Общевойсковая академия ВС РФ им. М. В. Фрунзе» ВУНС-да кIелна.

Нариман Абдулмуталибова хайи райондал рикI хьунай Мурадхан Агьмедхановаз чухсагъул лагьана, рикIел аламукьдай ядигар яз адаз райондин 90 йисан юбилейдихъ галаз алакъалу яз акъуднавай «Край мыслителей и поэтов» чIехи ктаб пишкеш яз гана.

Вичин нубатдай М. Агьмедханова вич икI хушвилелди кьабулунай, гайи пишкешдай Н. Абдулмуталибоваз еке чухсагъул лагьана, чи районда кьиле физвай кIвалахрилай, хъсанвилихъди жезвай дегишвилерилай вичин разивал къалурна.

Гьазурайди – Абидин Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5