Меню
6+

Сайт «Кюре»

14.02.2022 09:08 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Райондин Кьил – Эминхуьре

Райондин Кьил Нариман Абдулмуталибов алатай гьафтеда Эминхуьруьз мугьман хьана. Районда чIехибурукай ва гуьрчегбурукай сад тир хуьре ам хуьр социальный рекьерай вилик тухунин месэлайрихъ, гьабурукай яз хуьруьн инфраструктурадин объектар эцигунин ва дуьзмишунин месэлайрихъ галаз чкадал таниш хьана. Кьилди къачуртIа, райондин Кьилиз аялрин бахча ва почта эцигун мумкин тир участокар къалурна, ада гьакIни хуьруьн цIийи микрорайонда газдин линияр тухузвай гьални ахтармишна.

Райондин Кьил Нариман Абдулмуталибов АСП-дин кьил Сабир Юзбековни галаз социальный объектрал, кьилди къачуртIа, виликдай совхоздин конторар, пуд йисан вилик сифтегьан школа аваз хьайи дараматдални фена. И дарамат, капитальный ремонт хъувурдалай гуьгъуьниз, хуьруьн администрация, социальный ва культурадин объектар, кьилди къачуртIа, Етим Эминан КIвал-музей патал ишлемишунин месэлани веревирд авуна.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6