Меню
6+

Сайт «Кюре»

21.02.2022 10:53 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Афгъанистан – рикIерай садрани акъат тийидай тIал»

И йикъара чи районда рикIел аламукьдай кар хьана. Советрин кьушунар Афгъанистандай акъудна 33 йис хьунин вилик райондин Кьилин буйругъдалди «Умуд»» мергьеметлувилин фондунин куьмекдалди «Афганистан – наша память и боль» тIвар алаз ктаб чапдай акъатна. Чпин чанарни гьайиф татана Ватандин вилик чпин хиве авай буржи кьилиз акъудай чи ватанэгьлийриз талукьарнавай ктаб акъудун патал райондин Кьил Нариман Абдулмуталибова зурба куьмекар гана. Адан буйругъдалди «Российский союз ветеранов Афганистана» ва «Кюринские зори» культурадин центрайри 10-февралдиз Х-сеферда кьиле физвай илимдинни тежрибадин лезги чIалан конференциядиз гьазурвилер аквазвай Оргкомитетдал цIийи ктаб презентация авуна.

А ктабда чи районда кардик квай Афгъанвийрин ветеранрин Союздин председатель Ислеман Ризаева Афгъанистанда кьиле фейи женгерикай, чи районда а женгера иштирак авур кьегьал рухвайрин кьегьалвилерикай, виридуьньядин терроризмдиз акси яз Ватандин буйругъ кьилиз акъудай рухвайрикай кхьенва. А ктабда дяведин ветеранрин рикIел хкунар, военный комиссариатрин са бязи документар, гьакIни дяведа телеф хьайи кьегьалрин диде-бубайрин, мукьва-кьилийрин рикIел хкунар гьатнава.

С. Баламетова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0