Муаллимдин агалкьунар

2021-йисан 12-февралдиз ДР-дин РЦО ГБОУ-дин бинедаллаз кьиле фейи «Учитель – профессия дальнего действия» Республикадин конкурсдин эхиримжи этапдиз акъатай 78 муаллимдикай «Методическая разработка» номинациядай «Наши односельчане, вложившие вклад в культуру своего народа» темадай Фейруза Керимова 1-чкадиз лайихлу хьана. Мубаракрай! Мадни еке агалкьунар хьурай вичихъ.

Чна Фейруза Керимовадиз и агалкьун мубаракзава.

Агъадихъ чна адан шиирар гузва.

Къуват гурай хуьдай чIал чаз!

Дидедин чIал атай мецел,

Хвена кIанда чна рикIел.

Лезги чIалал кIелиз, кхьиз,

Хуьз алахъин чи чIал михьиз.

Лезги чIал чаз язва гапур,

Пехил касдин къазундай хур.

Лезгияр кIватI хьана вири,

Хуьз жедачни чIал чаз гайи?

Шарвилини Гьажи Давуд

Рахай чIалал, хкажна гъуд,

Лап рикIивай багьа я заз,

Къуват гурай хуьдай чIал чаз!

Къе чIал хуьдай вахт я, дуст

Чи лезгийриз, ава хъсан адетар,

Кесиб касдиз гузва чна куьмекар.

Гьар са юкъуз, къазанмишиз гьуьрметар,

Хуьз алахъ вичел алай лезги тIвар.

Лезги тIвар хуьн и дуьньядал бахт я, дуст,

Сад Аллагьдин патай гайи вахт я, дуст,

Лезгивал хуьн, им чаз ганвай тахт я, дуст,

Къарагъ вири, къе чIал хуьдай вахт я, дуст.

Куьруь къейд: Фейруза Ягъибеговна – кьилин категориядин муалллим, РФ-дин умуми образованидин лайихлу къуллугъчи, тербиядин кIвалахдин рекьяй ЦIийи Макьарин хуьруьн юкьван школадин директордин заместитель я.