Меню
6+

Сайт «Кюре»

28.02.2022 10:36 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ибрагьимов Играмудин Гьасанович

И йикъара 92 йисан яшда аваз чи арадай савадлу пешекар, гзаф йисара чи райондин партийный ва советрин органра намуслувилелди кIвалах авур хъан руководитель, адалатлу хизандин кьил Ибрагьимов Играмудин Гьасанович гьамишалугъ яз акъатна.

И.Гь. Ибрагьимов 1930-йисан 5-майдиз Кьасумхуьруьн райондин Асалдхуьре лежбер хизанда дидедиз хьана. Хайи хуьре сифтегьан школа акьалтIарна, 1942-1945-йисара Асалдхуьруьн «Дагправда» колхозда колхозник яз кIвалахна.

1947-йисуз ам Ленинан комсомолдин жергейриз гьахьна ва 1952-йисуз 10-класс куьтягьна.

1953-йисуз Дагъустандин пединститутдик кIелиз экечIна ва 1957-йисуз анаг агалкьунралди акьалтIарна.

1957-1961-йисара Шихидхуьруьн юкьван школада урус ва лезги чIаларин тарсар гузвай муаллим яз кIвалахна.

1959-йисуз КПСС-дин жергейриз гьахьна.

1961-1963-йисара Кьасумхуьруьн КПСС-дин райкомдин инструктор яз, 1963-1964-йисарани Кьасумхуьруьн производстводин КПСС-дин парткомдин инструктор-парторганизатор яз, 1965-йисан январдилай 1967-йисан февралдалди КПСС-дин райкомдин инструктор яз кIвалахна.

1967-1968-йисара Кьасумхуьруьн КПСС-дин райкомдин тешкиллувилин отделдин заведующийвилин жавабдар къуллугъ кьиле тухвана.

1968-1970-йисара Ростовдин ВПШ-да (высшая партийная школа) 2 йисан курсара кIелна.

1970-1975-йисара КПСС-дин Сулейман-Стальский райкомдин орготделдин заведующий яз, 1975-1978-йисарани райондин халкьдин контролдин комитетдин председатель яз, кIвалахна.

1978-йисалай халкьдин депутатрин Кьасумхуьруьн райсоветдин председателдин заместитель яз, 1992-1995-йисарани халкьдин депутатрин райсоветдин исполкомдин куьмекчи яз кIвалахна.

Адан гзаф йисарин намуслу зегьмет са шумуд сеферда Гьуьрметдин грамотаяр, къиметлу пишкешар гуналди ва Чухсагъулар малумаруналди къейднава. Адаз вичи кIвалах авур коллективрин, райондин агьалийрин патай еке гьуьрмет ва авторитет авай.

И. Гь. Ибрагьимов чи арадай акъатунин хажалатдин пар паюналди, чна адан багърийриз ва мукьва-кьилийриз башсагълугъвал гузва.

Адан экуь къамат чи рикIера эбеди яз амукьда.

Н. Ш. Абдулмуталибов, Ш. Гь. Мегьамедханов, Л. А. Оруджев, С. М. Темирханов, А. Д. Джаватов, А. Б. Фатулаев, Р. А. Абдулазизов, А. А. Мейланов, А. Б. Асланов, И. М. Ризаев, Д. С. Бабаев

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

10