Меню
6+

Сайт «Кюре»

04.02.2022 11:56 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Вирироссиядин акцияда иштиракна

«Блокадный хлеб» ва «Блокадный Ленинград» Вирироссиядин акциядин сергьятра аваз райондин гзаф школайра мярекатар кьиле тухвана. Райондин спортдин, туризмдин ва жегьилрин крарин рекьяй Комитетди Агъа-СтIалрин юкьван школадин руководстводин куьмекни галаз тешкилай мярекатда кIелзавайбуру дяведин йисара немсерин чапхунчийри, абуруз акур каш-мекь, гьар са касдиз йикъа 125 грамм фу гун къалурзавай сегьнеяр эцигнавай.

А. Саидован тIварунихъ галай Эминхуьруьн юкьван школадин муаллимрини кIелзавайбуру Ленинград саки 2 йисни 5 вацра душманди гьалкъада кьуниз ва шегьерэгьлийрин игитвилиз талукьарнавай мярекат Эминхуьруьн библиотекадихъ галаз санал тешкилнавай. Дяведин йисарин парталар алаз муаллимри, кIелзавайбур тир Селминат Кьасумовади, Хадижа Бремовади ва масабуру къалурай сегьнейра Ленинграддин агьалийриз гьалкъада хьайи вахтарин азиятар, гужар, кашни мекь гьакъикъи шикилра аваз къалурна.

Х. Гьажибалаев

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0