Меню
6+

Сайт «Кюре»

07.02.2022 09:13 Понедельник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьахъ-гьисабдин конференция

Алатай гьафтеда Сулейман-Стальский райондин конференц-залда «Сад тир Россия» политический партиядин чкадин отделенидин XXVI гьахъ-гьисабдинни сечкийрин конференция кьиле фена. Конференциядин делегатар ва иштиракчияр тебрик авуналди, райондин Кьил Нариман Абдулмуталибова 2 миллиондилай виниз векилрикай ибарат тир «Сад тир Россия» партияди уьлкведин уьмуьрда, социальный, экономикадин ва маса месэлаяр гьялунин карда партияди тухузвай кIвалахдикай, кьилди къачуртIа, и партиядин теклифдалди уьмуьрдиз кечирмишзавай милли проектрикай ва жуьреба-жуьре госпрограммайрикай гегьенш рахунар авуна. Къе и партия лап зурба сообщество я. Тек са алатай йисуз и партиядин жергейриз 50 агъзурдалай виниз инсанар гьахьна.

- Важиблу кар ам я хьи, «Сад тир Россия» партиядин жергейра вири хилер вилик тухуник пай кутур ва кутазвай, жавабдарвал гьиссзавай, теклифар гвай инсанар ава, — лагьана Нариман Абдулмуталибова. – Чи гьар са касдин менфятлу кIвалахдилай уьлкведин авторитет, кесер, властдин партиядин тIвар, абур, уьлкве вилик фин гзаф аслу я. Ида уьлкведин общественно политический ва социально-экономический хилера дурумлувал таъминарзава. Партиядихъ нетижаяр авазва. И жигьетдай райондани тайин кIвалах тухузва, районда инвестицийрин рекьяй къулай шартIар арадал атанва. Идак чи гьуьметлу меценатар тир Фируза Керимовади, Салман Бабаева, Имам Яралиева, Марат Шайдаева ва масабуру еке пай кутазва. Чаз абурухъ гьар са карда агалкьунар хьана кIанзава.

Делегатри сад хьиз сесер гуналди, конференциядин повестка тестикьарна. Адак са шумуд месэла кутунвай: партиядин чкадин отделенидин секретарь, чкадин политсоветдин цIийи состав ва чкадин гуьзчивалдай (контрольный) комиссиядин членар, гьакIни «Сад тир Россия» партиядин Дагъустандин региональный отделенидин (ДРО-дин) XXXIII Конференциядиз делегатар хкягъун.

«Сад тир Россия» политический партиядин чкадин отделенидин исполнительный секретарь Баламет Ширинова политсоветди гьахъ-гьисабдин девирда тухвай кIвалахрикай, вилик акъвазнавай асул везифайрикай гегьенш рахунар авуна. Сифтегьан партийный организацийрин кIвалахдал ам кьилди акъвазна.

Гьахъ-гьисабдин докладдилай гуьгъуьниз делегатри чинеба сесер гуналди чкадин отделенидин Секретарь хкяна. Сесерин нетижада «Сад тир Россия» партиядин чкадин отделенидин Секретарвиле мад сеферда Нариман Абдулмуталибов хкя хъувуна. Вичиз авур ихтибардай ада делегатриз чухсагъул лагьана, гьакIни Нариман Абдулмуталибова партиядин вилик вад йисан къене акъвазнавай везифаяр къейдна.

Чинеба сесер гуналди, делегатри Нариман Абдулмуталибов, Саид Темирханов, Малавудин Сафаралиев ва Ямудин Исаев политический партиядин чкадин отделенидин составдиз, Лацис Оруджев, Азим Тагьиров ва Шевкет Ярагьмедов чкадин гуьзчивалдай (контрольный) комиссиядин членар яз хкяна.

Алай йисан I0-февралдиз тухун пландик кутунвай «Сад тир Россия» политический партиядин Дагъустандин региональный XXXIII Конференциядиз делегатар яз Нариман Абдулмуталибов, Саид Темирханов, Орудж Оруджев, Нариман Османов ва Агьмедулагь Шайдаев хкяна.

Конференциядал партиядин цIийи 2 члендив Орудж Оруджевав ва Икрам Нежведиловав партбилетар ва значокар вахкана.

Партиядин цIийи членриз тебрикдин келимаяр лугьунихъ галаз санал, Нариман Абдулмуталибова гьуьрметдин мад са везифани кьилиз акъудна – ада яргъал йисарин партийный ва общественно-политический кIвалахдай Баламет Шириновав райондин Гьуьрметдин грамота вахкана.

Конференциядин эхирдай муниципалитетдин Кьил, «Сад тир Россия» политический партиядин чкадин отделенидин Секретарь Нариман Абдулмуталибова конференцияда иштирак авунай делегатриз чухсагъул малумарна ва са партияда авайбурухъ активный ва бегьерлу кIвалах хьана кIанзавайди лагьана.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9