Ветерандин гуьгьуьл къачуна

Ленинград немсерин чапхунчийрин гьалкъадай тамамвилелди ахкъудай йикъан сергьятра аваз Вини СтIалрин юкьван школада кIелзавайбур директордин заместитель Э. Гьажиевадихъ, старший вожатый И. Исмаиловадихъ ва волонтеррихъ галаз санал Ленинграддин гьалкъада хьайи Жанна Александровна Мегьамедовадин патав кIвализ фена, адан гуьгьуьл къачуна.

Жанна Александровнади дяведин четин йисар, гьалкъада гьатай инсанрин кьегьалвилер рикIел хкана, вичин патав атунай, гуьгьуьл къачунай школьникриз ва волонтерриз чухсагъул лагьана.

Лагьана кIанда, Ж. Мегьамедова «Жителю блокадного Ленинграда 900 дней и ночей», «65 лет Великой Победы» ва маса знакрин сагьиб я.