ГТО-дин нормаяр вахкана
Кьасумхуьруьн 2-нумрадин юкьван школадин бинедаллаз Сулейман-Стальский райондин школайра чIехи классра кIелзавайбурун арада «Готов к труду и обороне» ВФСК-дин муниципальный этап кьиле фена. Мярекат ачухуна райондин Кьил Нариман Абдулмуталибова иштиракна. Ада лагьайвал, ГТО-дин нормативар тамамарун физический культурадал ва спортдал машгъул хьунин рекье школьникар патал гьамиша къайдадалди виликди рум гун жеда.
Фестивалда райондин 17 школадай атанвай 106 касди иштиракна. 9-11 классра кIелзавайбуру Роспотребнадзордин истемишунрал амал авуналди акъажунра иштиракна.
ГТО-дин нормативар ДЮСШ-рин тренерри-преподавателри, умуми образованидин идарайрин физический культурадин муаллимри РУО-дин кураторрин иштираквал аваз кьабулна.
Райондин Кьил Нариман Абдулмуталибова школьникрин гьазурлухвилин дережадиз хъсан къимет гана ва абурухъ ГТО-дин нормативар вахкунин карда республикадин дережада агалкьунар хьана кIанзавайди къейдна.
Хазран Кьасумов
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.