Меню
6+

Сетевое издание «Кюре»

11.03.2022 10:15 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Школадихъ цIийи дарамат жеда

Сулейман-Стальский райондин Кьил Нариман Абдулмуталибов Герейханован 2-нумрадин юкьван школадин дарамат эцигунин кIвалахар кьиле физвай гьалдихъ галаз таниш хьана. Сифтедай райондин Кьил школадин дараматдин спортзалдин ва пищеблокдин кIаник жедай мертебадин «нулдив барабар» паюниз килигна. Малум хьайивал, ана хейлин кIвалахар кьиле тухванва. Райондин Кьили подряддин организациядин пешекаррихъ ва устIаррихъ галазни ихтилатар авуна. Малум хьайивал, алай аямдин 2 мертебадин школадин дараматда 150 кIелзавайдан чкаяр жеда. КIелунин корпусдилай гъейри, кьилдин корпусра пищеблок ва спортзални жеда.

Эцигунрин кIвалахар республикадин инвестицийрин программадай подряддин «Спецстроймонтаж» организацияди кьиле тухузва. Подряддин организациядин векил Саид Пирмегьамедова райондин Кьилиз лагьайвал, эцигунрин организациядиз кIвалахдай рабочийрин патахъай кьитвал аватIани (чкадин агьалияр кIвалахиз къвезвач, кIвалахзавайбур, асул гьисабдай, патарилай гъанвайбур я), дарамат алай йисан эхирра эцигна акьалтIарда.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9