Тебрик

За «Сулейман-Стальский район» муниципальный райондин депутатрин Собранидин, администрациядин ва кьилди жуван патай вири районэгьлийриз Сив хуьнин сувар рикIин сидкьидай мубаракзава.

Къуй Сад тир Аллагьди куьне кьунвай сивер, авур дуьаяр кьабулрай ва куь эрзиман мурадар кьилиз акъатрай. Къуй и экуь сувари куь кIвалериз, хизанриз динжвал ва шадвал гъурай.

Зун инанмиш тирвал, исламдин руьгьдинни ахлакьдин ивирри гележегдани яратмишунин кардиз, районэгьлияр сад-садан гъавурда акьуниз, абурун арада дуствал ва меслятвал артух хьуниз къуллугъда.

Заз вири районэгьлийрихъ сагъламвал, ислягьвал, хушбахтвал хьана кIанзава.

«Сулейман-Стальский район» муниципальный райондин Кьил Н. Абдулмуталибов