Агьалияр кьабулна

Адет хьанвайвал, алатай жуьмя юкъуз райондин Кьил Нариман Абдулмуталибова чпихъ арза-ферзе, хсуси дердияр авай инсанар кьабулна. Кьилди къачуртIа, райондин Кьилин патав Изумруд Мегьамедрасулова, Ямудин Масумов (кьведни – Кьасумхуьр), Суна Сайдумова (ДаркIуш-Къазмаяр), Наврузбег Эферов (ЦIийи хуьр), Жами Жумалиев (КIварчагъ) – санлай 10 кас атанвай.

Вирибурухъ райондин Кьили дикъетдивди яб акална, садбуруз меслятар, бязи месэлаяр гьялунин патахъай райадминистрациядин ва талукь маса къуллугърин руководителриз тапшуругъар гана.

Хазран Кьасумов