Меню
6+

Сайт «Кюре»

08.04.2022 11:18 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Тешкиллувилин комитетдин заседание

7-апрелдиз Сулейман-Стальский районда кардик квай лишанлу йикъариз гьазурвилер акунин ва абур кьиле тухунин тешкиллувилин комитетдин заседание кьиле фена. Ам и комитетдин председатель, муниципалитетдин Кьил Нариман Абдулмуталибова ачухна ва кьиле тухвана.

Заседанидал Ватандин ЧIехи дяведа Гъалибвилин 77 йис тамам хьунин лишанлу вакъиадиз гьазурвилер акунин ва мярекатар тухунин месэлайриз килигна.

Заседанидин кIвалахда комитетдин членри, райадминистрациядин Кьилин 1-заместитель Лацис Оруджева, заместитель Саид Темирханов, идарайринни организацийрин ва общественный тешкилатрин векилри иштиракна.

Мярекат ачухдайла Нариман Абдулмуталибова къейд авурвал, алай йисуз Гъалибвилин йикъан мярекатар муракаб шартIара тухуниз мажбур жезва. Имни Россиядин Яракьлу Къуватри Украинада махсус женгинин серенжем тухунихъ галаз алакъалу я.

Гъалибвилин йикъаз талукь яз аквазвай гьазурвилерикай ва тухудай мярекатрин пландикай заседанидал райадминистрациядин крар идара ийизвайди тир Рамазан Абдулазизова малумат гана. Малум хьайивал, райондин центрадал, школайра, аялрин бахчайра, Культурадин кIвалера, библиотекайра ва маса идарайрин организацийра тухудай мярекатрин кьадар гзаф я.

Чпи регьбервал гузвай ва кIвалахзавай организацийра Гъалибвилин йикъаз талукьарна тухун пландик кутунвай мярекатрал райондин культурадин отделдин начальник Майрудин Бабаханова, образованидин управленидин начальникдин заместитель Абдулнасир Ханвердиева ва масабуруни гегьеншдиз суьгьбетна.

Чна винидихъ лагьайвал, цIинин йисуз Гъалибвилин йикъан мярекатар Украинада дяведин гьерекатар кьиле физвай вахтунда къейдда. Идахъ галаз алакъалу яз заседанидал райондин Общественный палатадин председатель Алимет Мейланова, Сулейман-Стальский ва Кьурагь районрин уртах военный комиссариатдин начальник Рейзудин Женетова метлеблу рахунар авуна, суварин мярекатар тухунин патахъай меслятар гана, теклифар гъана.

Заседанидин нетижаяр райондин Кьил Нариман Абдулмуталибова кьуна.

А.Мирзалиева, Х.Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5