Меню
6+

Сайт «Кюре»

29.07.2022 10:13 Пятница
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Школайра ремонтрин кIвалахар ахтармишна

Сулейман-Стальский райондин Кьил Саид Темирханов ва Дагъустан Республикадин Гьукуматдин Председателдин заместитель Нариман Абдулмуталибов муниципалитетда умуми образованидин идарайра капитальный ремонтрин кIвалахар кьиле тухузвай гьаларихъ галаз таниш хьана. Райадминистрациядин Кьилин 1-заместитель Лацис Оруджев, образованидин управленидин начальник Гьуьсейн Шихбабаев ва капитальный эцигунрин управленидин начальник Роберт Мейланов галаз абур РФ-дин «Развитие образования» госпрограммадин, «Модернизация школьных систем образования» проект уьмуьрдиз кечирмишунин сергьятра аваз капитальнидаказ ремонт хъийизвай школайра хьана. Кьилди къачуртIа, Кьулан-СтIалрин школадин корпус тамамдаказ, Кьасумхуьруьн 1-нумрадин юкьван щколада сад ва пуд лагьай мертебаяр, ЦIийи-Макьарин юкьван школада кьве корпус, ЦIийи поселокдин юкьван школада 2-корпус капитальнидаказ ремонт хъийизва.

ДР-дин Гьукуматдин Председателдин заместитель Нариман Абдулмуталибова лагьайвал, ремонтрин кIвалахар 10-августдалди акьалтIарун лазим я.

Школайра ремонтрин кIвалахар еридивди тухунин ва вахтунда акьалтIарунин патахъай Саид Темирханова ва Нариман Абдулмуталибова талукь къуллугърин руководителриз тапшуругъарни гана.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

14