Меню
6+

Сайт «Кюре»

08.07.2022 11:57 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Выпускникрив медалар вахкана

Сулейман-Стальский районда, пуд мертебадин административный дараматдин конференц-залда, 2021-2022-кIелунин йис акьалтIарай выпускникрив «За особые успехи в учении» медалар вахкуниз талукьарнавай мярекат кьиле фена. Ам райондин образованидин управленидин начальник Гьуьсейн Шихбабаева ачухна ва кьиле тухвана.

Выпускникриз тебрикдин келимаяр Гьуьсейн Шихбабаевалай гъейри, райондин Кьил Саид Темирханова, райадминистрациядин Кьилин 1-заместитель Лацис Оруджева, Москвадин физикадинни технический институтдин преподаватель Азим Нухова лагьана.

Выпускникрин тIварунихъай рахай Айдемир Шерифова (Испикрин СОШ) ва Алина Меликовади (Кьасумхуьруьн 1-нумрадин СОШ) чпиз чирвилер ва тербия гунай школайрин муаллимриз чухсагъул лагьана, абур, гьакIни райондин руководителар инанмишарна хьи, абуру хайи райондин, хуьруьн ва школадин тIвар вине кьун патал чалишмишвал ийида.

Райондин Кьил Саид Темирханова шад гьалара «За особые успехи в учении» медалар ва Гьуьрметдин грамотаяр 31 выпускникдив вахкана. Абурун тIварарни чна агъадихъ кьазва:

Карина Алимурадова ва Айдемир Шерифов (кьведни Испикрин СОШ), Нармина Гьамидова (Эминхуьруьн СОШ), Назим Абдулкеримов ва Зарема Алибалаева (кьведни – Кьулан СтIалрин СОШ), Мегьамед Алагькъулиев (ЦIийи поселокдин СОШ), Лейла Мусаева (Шихидхуьруьн СОШ), Чимназ Къарибова, Алина Меликова, Арина Агъаметова, Лейла Темирханова (вири – Кьасумхуьруьн 1-нумрадин СОШ), Диана Абдурагьманова, Карина Салманова (кьведни – ЦIийи Макьарин СОШ), Залина Шихнебиева (Агъа-СтIалрин СОШ), Зайнабат Исмаилова, Тимур Мегьамедов, Зилефат Мегьамедова, Риваз Медетов (вири – Вини-СтIалрин СОШ), Артем Бабаев (Герейханован 2-нумрадин СОШ), Серфе Набиева, Зулейхалум Нисреева ва Эйлихан Сагидова (пудни – Курхуьруьн 1-нумрадин СОШ), Алим Рамазанов, Жамал Сулейманов (кьведни Сийидрин СОШ), Мегьамедагъа Рамазанов (Чуьхверхуьруьн СОШ), Алина Асланова, Аминат Жаватова, Марина Эфендиева (пудни – Агъа-СтIал Къазмайрин СОШ), Амина Газимегьамедова, Диана Жалилова ва Асхаб Мирзеханов (пудни – Герейханован 1-нумрадин СОШ).

Райондин Кьил Саид Темирханова выпускникриз медалар ва школаяр акьалтIарун мад сеферда мубаракна ва алава хъувуна: «Куьне, гьуьрметлу выпускникар, гила чIехибурун уьмуьрдиз кам вегьезва. Чи мурад гьа камар бахтлубур, агалкьунринбур хьун я. Квехъ кIелун давамарунин рекьени агалкьунар хьурай!

Текст кхьейди ва шикил ягъайди Хазран Кьасумов я

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

10