Меню
6+

Сайт «Кюре»

23.08.2022 12:05 Вторник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къуватар хьурай, уьзуьмчияр!

Алайди чуьлдин кIвалахрин къизгъин вахт я. Кьилди къачуртIа, хуьруьн майишатдин карханайри, фермервилинни лежбервилин майишатри ва арендаторри алай вахтунда емишар, саланни бустандин няметар кIватI хъийизва.

Уьзуьмчияр патални жавабдар вахт алукьнава, абурун вилик уьзуьмлухра битмиш хьанвай ципицIрин бегьер вахтунда ва пучвилер авачиз кIватI хъувунин везифа акъвазнава. Эгер алатай йисуз районда 15292 тонн ципицIар кIватI хъувунайтIа, алай йисуз районда 15500 тонндилай тIимил тушиз ципицIар вахчунин везифа вилик эцигнава. Гъиле авай гьафтеда «Зардиян» зонада ва ДаркIуш-Къазмайрин поселенида кардик квай карханайри, КФХ-ри ва аредаторри ципицIар кIватI хъийиз эгечIнава. И кIвалахни абуру план-графикдин бинедаллаз кьиле тухузва. Карханайра ципицIар кIватI хъувунал бес кьадар техника ва рабочияр машгъул я.

«Зардиян», «Дербент-Агро», «Гюльгери вацI» ООО-ри, КФХ-ри ва кьилдин арендаторрини алай йисуз ципицIрин хъсан бегьер кIватI хъувунихъ умудар кутунва. Квез къуватар хьурай, уьзуьмчияр!

Х. Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

19