Эбеди рикIера амукьда
Диде-Ватан хуьда лугьуз,
Гьазур хьайи кьегьалар,
Азад уьмуьр хьурай лугьуз,
Чанар гайи игитар.
Ватанпересвал къалуруналди СВО-да телеф хьайи кьегьалрин арада чи районэгьли Исрафилов Сайман Валентиновични ава.
Игит хцин жаван вахтар вичин хизандихъ галаз Сургутда акъатна. Ина школада кIелдай йисара ам спортдални машгъул хьана, хейлин турнирра ада гъалибвилер къачуна. Сайман Исрафилова азаддаказ кьуршахар кьунай спортдин мастервиле кандидатдин дережа къачуна.
Школадилай гуьгъуьниз С. Исрафилова Москвада высший общевойсковой училище акьалтIарна, лейтенантвилин чинда аваз ада Калининград шегьерда къуллугъна.
Украинада женгинин махсус серенжем башламиш хьайи сифте йикъарилай эгечIна С. Исрафилова ана мотострелковый взводдин командир яз къуллугъна.
Луганскдин Халкьдин Республикадин Сватово шегьер Украинадин миллетчийрикай азад ийидай женгера Сайман Исрафилов игитвилелди телеф хьана. 22 йисан яшда аваз телеф хьайи С. Исрафиловаз Мужество орден (кьейидалай гуьгъуьниз) гана.
Кьегьал хва Сайман Исрафилован экуь къамат чи рикIера гьамишалугъ яз амукьда.
Назифа Юркъулиева
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
