Медалдиз лайихлу хьана

Чна виликдайни хабар гайивал, Сулейман-Стальский райондай СВО-дин зонада 400-далай виниз кьегьалри къуллугъзава, женгинин гьерекатра викIегьвилер къалуруналди, Ватандин вилик чпин хиве авай везифаяр намуслудаказ кьилиз акъудзава. Ихьтин кьегьалрикай сад НуьцIуьгърин хуьряй тир Ферзилагь Мегьамедов я. СВО-дин зонада къалурай кьегьалвиляй адаз мукьвара Россиядин Президентдин Указдалди 2-дережадин «За храбрость» медаль гана.

Ф. Мегьамедов СВО-дин зонадиз тамам тушир мобилизациядик акатна 2022-йисан сентябрдиз фена. Са женгина кьегьал хцел хер хьана. Госпиталда сагъламвал мягькемар хъувурдалай гуьгъуьниз Ферзилагьа вичин аскервилин буржи кьилиз акъудун давамзава.

Кьегьал хцихъ мягькем сагъламвал, саламат къуллугъ хьун ва гъалибвал къачуна ам кIвализ хтун чи мурад я.