Коронавирусдин тIугъвалдиз - ваъ! |Тестар вахкана

Гьа жигьетдай яз, анализар райондин Кьил Нариман Абдулмуталибова ва депутатрин райондин Собранидин председатель Штибег Мегьамедхановани вахкана. И кIвалахни райондин Кьил Нариман Абдулмуталибован тапшуругъдалди кьиле тухвайди я.

«Чи гьар садан жавабдарвилелай гьикьван фад ва менфятлувилелди чун уьмуьрдин везиндин кьацIа гьат хъийидатIа гзаф аслу я. Гьал хъсанарун патал медицинадин рекьяй ахтармишунар тухунихъ еке метлеб ава. Анжах санал хьуналди чалай умуми чалишмишвилералди и тIегъуьн акъвазариз жеда, — къейдна райондин Кьил Нариман Абдулмуталибова.

Алай вахтунда райондин территорияда профилактикадин ва коронавирусдин инфекция чкIунал гуьзчивал тухунин жигьетдай райондин оперативный штаб кардик ква. И тIугъвал чкIун таъкимардай чарасуз серенжемрин план туькIуьрнава, са жерге кIвалахарни кьиле тухванва.

Вири и вахтунда, 1-апрелдилай къенин йикъалди, районда коронавирус кватIа чирун патал 3064 ахтармишун кьиле тухванва ва и кIвалах давам жезва. Чна мукъаятвал хуьн герек я.

Чин гьазурайди — А. Камилов