«Сулейман-Стальский район» муниципальный райондин Кьил Н. Ш. Абдулмуталибован ЦIИЙИ ЙИСАН ТЕБРИК

Адет хьанвайвал, алатнавай вахтуниз вил вегьин хъувуналди, чна алатнавай йисан вакъиаяр рикIел хкизва, авунвай крариз къимет гузва, са гафуналди, авур кIвалахрин нетижаяр кьазва, идахъ галаз санал, гележегда вилик цIийи везифаяр эцигзава, абур кьилиз акъуддай рекьер аннамишзава.

Алатнавай йис, Виридуьньяда чкIай коронавирусдин инфекцияди хейлин четинвилер арадал гъанатIани, санлай къачурла, Россия, Дагъустан патал хьиз, район патални активдаказ яратмишунрин кIвалахдал машгъул хьайи, хъсанвилихъди еке дегишвилер кьиле фейи йис хьана. Алатнавай йисуз чалай районда общественно-политический гьалар мягькемариз, социальный, экономикадин асул рекьерай вилик финин еришар хъсанариз алакьна.

Играми районэгьлияр! Заз райондин хушбахтвал патал чIугунвай яратмишунрин зегьметдай квез рикIин сидкьидай чухсагъул лугьуз кIанзава.

Чун район вилик тухунин программа уьмуьрдиз кечирмишунив эгечIнава. И программади районэгьлийрин гьал-агьвал хейлин хъсанарун лазим я. Чахъ район мадни виниз тир дережайриз хкаждай, агьалийрин яшайиш, дуланажагъдин шартIар хъсанардай бес кьадардин мумкинвилер ава. Виридан умуми чалишмишвилералди куьне райондин экономика мягькемаруник лайихлу пай кутадайдал са шакни алач.

Квез ЦIийи йис мубаракрай!

Къуй районэгьлийрин гьар са хизанда, районда ва Россияда ислягьвал, берекат, хушбахтвал хьурай!