Комиссиядин 1-заседание
Общественный хатасузвал хуьнин рекьяй Сулейман-Стальский райондин администрациядин Кьилин заместитель Абуталиб Фатулаеван регьбервилик кваз яш тамам тахьанвайбурун крарай ва абурун ихтиярар хуьнин комиссиядин заседание кьиле фена.
Алай йисуз Комиссияди сад лагьай сефер яз тухвай заседанидин кIвалахда КДН-дин жавабдар секретарь Мегьамедвили Аминова, къаюмвилин отделдин начальник Аида Велиевади, Россиядин МВД-дин Сулейман-Стальский районда авай отделдин ПДН-дин старший инспектор Валерий Ибрагьимова, спортдин, туризмдин ва жегьилрин крарай Комитетдин директор Чингиз Абдулмежидова, образованидин управленидин патав гвай ИМЦ-дин директордин заместитель Венера Абдуселимовади, гьакIни административный рекьяй жавабдарвилиз чIугунвай яш тахьанвайбуру ва абурун диде-бубайри иштиракна. Заседанидиз ДаркIуш-Къазмайрин АСП-дин кьилин заместитель Сиражудин Нежведиловазни теклифнавай.
Комиссиядин председатель, общественный хатасузвал хуьнин рекьяй райадминистрациядин Кьилин заместитель Абуталиб Фатулаева, ИМЦ-дин директордин заместитель Венера Абдуселимовади ва ОМВД-дин ПДН-дин старший инспектор Валерий Ибрагьимова аялар школадиз желб авунин, абуру тарсар ахъай тавунин месэлайрай, НВФ-дин членар яз терг авурбурун хизанрихъ галаз тухузвай кIвалахрикай рахунар авуна.
Абуталиб Фатулаева ва Валерий Ибрагьимова гьакIни «Защита» лишандик кваз тухудай оперативно-профилактикадин комплексный операциядиз аквазвай гьазурвилерикайни малумат гана.
Заседанидин сергьятра аваз ДаркIуш-Къазмайрилай тир гзаф аялар авай, тIимил таъмин тир са хизандин, гьакIни яш тахьанвай 2 аялдин диде-бубайрин административный материалризни килигна.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
