Терроризмдиз - ваъ! | Республикадин семинар кьиле фена
И йикъара Белиж поселокдин Абас Исрафилован тIварунихъ галай школа-гимназияда ведомствойрин уртах организацийрин векилрин иштираквални аваз экстремизмдин ва терроризмдин вилик пад кьунин месэлайрай республикадин семинар кьиле фена.
Чи райондин патай ана «ИМЦ» МКУ-дин директордин заместитель, АТК-дин муниципальный куратор Венера Абдуселимовади, тербиядин рекьяй Эминхуьруьн ва Чуьхверхуьруьн юкьван школайрин директоррин заместителар тир Эшреф Межидова ва Земфира Нежведиловади иштиракна.
Семинардин кьилин макьсад жегьилрин арада экстремизмдин идеология чкIурунин вилик пад кьунин жигьетдай профилактикадин кIвалах тухунин карда муаллимриз куьмек гун тир.
Семинар кьиле физвай вахтунда анал жуьреба-жуьре психологический къуллугърин руководителри, спортдин мастерри, ДР-дин Муфтиятдин просвещенидин отделдин ва республикадин маса центрайрин сотрудникри чпин кIвалахдин тежрибадикай лагьана.
Анал кар кьетIдай ихтилатар кьиле фена, жегьилриз руьгьдинни ахлакьдин жигьетдай тербия гунин карда гьалтзавай месэлайрал гегьеншдаказ акъвазна.
Куьре Абид
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
