Меню
6+

Сетевое издание «Кюре»

16.08.2020 18:47 Воскресенье
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Хуьруьн майишат Хъархъун багълариз – артух фикир

СтIал Сулейманан район республикадин хуьруьн майишатдин ва багъманчивилин чIехи районрикай сад я. Хуьруьн майишат ина вири вахтара адет хьанвай, яшайишдин жигьетдайни важиблуди яз хьана

Райондин АПК вилик тухуник ихьтин мащгьур майишатри чпин еке пай «Паласа», Зардиян», «Восход», ЧIереяр, «Члар», «Дербент-Агро», «Гюльгери-вацI» ООО-йри, «Н. Бабаев» КФХ-ди ва масабуру кутазва.

Адет хьанвай культураяр тир ципицIар ва къене цил авай емишар битмишарунихъ галаз сад хьиз, райондин майишатри кIерецрин хуьруьн майишатдин продукция гьасилунин проектар уьмуьрдиз кечирмишунизни къвердавай артух фикир гузва. ИкI, «Зардиян» ООО-дин чилерал грецкий кIерецрин багълар кутунин чIехи проект кардик акатнава. Алатай йисан зулухъай ина 30 гектарда «Любимец Петросяна» сортунин хъархъун багъ, гатфарихъайни мад 35 гектарда багълар кутун хъувуна. Алай йисан

зулухъай мад 40 гектарда хъархъун багъ кутун патал чил гьазурнава. Йисан эхирдиз а багъларин майданри вири санлай кьурла 105 гектар тешкилда.

И майишатдин планра хъархъун багъларин майданрин кьадар 150-200 гектардив агакьарун ава. Идалайни алава яз шуьмягъин, бадамдин ва емишрин маса культурайрин багълар кутазни гьазурвилер аквазва.

Гьа ина, майишатдин сергьятда, продукция сифте нубатда гьялдай цехни эцигун фикирдиз къачунва.

Къенин йикъалди грецкий кIерецрин и багъ Дагъустанда виридалайни чIехиди я. Кьилиндини, агрономиядин жигьетдай гелкъуьн тешкилнавай виридалайни хъсан багъни я.

Мадни а кар къейд ийиз кIанзава хьи, «кIерецар кьадай» культураяр битмишарунин жигьетдайни райондихъ хъсан тежриба хьанва. ИкI, «Стальские сады» проектдин сергьятра аваз «Паласа» ООО-ди 300 гектарда шуьмягъдин багълар кутунва. Зулухъай абурун кьадар 650 гектардив агакьарун фикирдиз къачунва. Ина 30 гектар хъархъун ва шабалатдин багъларни кутунва.

Дагълух чкайра 50 гектардилай виниз суперинтенсивный шуьмягъин багълар кутунин проект «Восход» ООО-ди кьилиз акъудзава.

ИкI, районда хъархъун багълар кутуниз къвердавай артух фикир гузва.

Чин гьазурайди — Абидин Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

59