Онлайн-совещание кьиле фена
Селектордин совещанидин кIвалахда райондин Кьил Нариман Абдулмуталибова ва райадминистрациядин УКС-дин начальник Роберт Мейланова иштиракна.
3-августдиз Дагъустан Республикадин Кьилин ва Гьукуматдин администрациядин руководителдин 1-заместитель Владимир Деревянкодин регьбервилик кваз онлайн-совещание кьиле тухвана. Анал Дагъустан Республикадин Кьил Владимир Васильева теклифнавай чпихъ артуханвал авай проектар уьмуьрдиз кечирмишзавай гьал веревирд авуна.
Селектордин совещанидин кIвалахда райондин Кьил Нариман Абдулмуталибова ва райадминистрациядин УКС-дин начальник Роберт Мейланова иштиракна.
Совещанидал «Мой Дагестан – Моя вода», «Мой Дагестан – Мои дороги» ва «Мой Дагестан – Комфортная городская среда» важиблу 3 проект уьмуьрдиз кечирмишзавай гьалдикай суьгьбетар кьиле фена. Кьилди къачуртIа, анал целди таъминардай объектар эцигуникай, рекьер ремонтзавай гьалдикай, шегьердин хьтин шартIар яратмишунин жигьетдай тухузвай кIвалахрикай ва гьалтзавай са бязи четинвилерикай ихтилатар авуна.
Совещанидал алай месэлайрай анал ДР-дин эцигунринни ЖКХ-дин министр Малик Баглиев, «Мой Дагестан» проектрин общественный координатор тир Рукъият Агьмедова ва Мухамед Рашидов рахана. А карни къейд ийиз кIанзава хьи, «Мой Дагестан» проект ДР-дин Кьил Владимир Васильеван хсуси гуьзчивилик квайди я.
2020-йисуз Сулейман-Стальский райондини и проектра иштиракзава. Кьилди къачуртIа, «Формирование комфортной городской среды» федеральный ва «Жилье и городская среда» милли проектрин сергьятра аваз Агъа СтIалдал, Эминхуьре, Герейханован хуьруьн 1-отделенида общественный территорияр аваданламишунин, паркар ва скверар туькIуьрунин кIвалахар кьиле тухузва.
«Мой Дагестан – Мои дороги» проектдин сергьятра аваз КIварчагъа, Испика, Чуьхверхуьрел ва Кьулан СтIалдал 4,37 километрдин мензилда 25289 квадратдин метрдин майданра асфальт цазва.
Алатай йисуз чи районда кIватI хъувур транспортдин вири налогар чкадин рекьер ремонт авунин ва къир цунин рекьериз чара авунва.
«Дой Дагестан – Моя вода» проектдай чи районда «Сардаркент-Даркуш-Казмаляр» водопроводдин эцигунрин кIвалахар акьалтIарзава.
Кьасумхуьрел хъвадай цин къенепатан линияр тухунин кIвалахар кьиле тухузва.
Чин гьазурайди — Абидин Камилов
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
