Меню
6+

Сетевое издание «Кюре»

17.08.2020 16:49 Понедельник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

АТК-ди тухвай кIвалах ахтармишна

Алай йисан 11-августдиз районда терроризмдиз акси комиссияди 2019-йисуз ва 2020-йисан сифтегьан паюна тухвай кIвалах ахтармишун кьиле фена

Ана райондин Кьил Нариман Абдулмуталибова, ДР-дин Кьилин помощникар тир республикадин АТК-дин аппаратдин векилар Тимур Зербалиева ва Сайпудин Сайпова, Сулейман-Стальский районда авай ОМВД-дин начальникдин замес титель Ражидин Аба-карова, райондин прокурордин старший помощник Шамиль Мусаева, Россиядин УФСБ-дин Дагъустан Республикадин Дербент шегьерда авай 4-отделенидин начальникдин везифаяр тамамарзавайди тир Гамрудин Шайдаева, райадминистрациядин жавабдар къуллугърин ва СМИ-дин векилри иштиракна.

Чи районда кардик квай АТК-ди 2019-йисуз ва 2020-йисан сад лагьай паюна тухвай кIвалахдикай райондин Кьил Нариман Абдулмуталибова гегьенш доклад авуна. Сифте нубатда ада муниципальный райондин территорияда мягькем, дурумлу гьалар авайди къейдна.

- Райондин АТК-ди терроризмдин ва экстремизмдин, мумкин тир чIуру гьерекатар арадал атунин вилик пад кьунин карда жуьреба-жуьре субъектрин кIвалах сад-садав кьадайвал авун патал кIвалах тухвана, — къейдна Нариман Абдулмуталибова. – Районда 20I9-2023-йисара РФ-дин терроризмдин идеологиядин вилик пад кьун патал Комплексный планда къалурнавай мярекатар уьмуьрдиз кечирмишзава. Райондин АТК-дин патав гьамиша кардик квай терроризмдин идеологиядиз акси рабочий группади кIвалахзава, ада «зона риска» лугьудай категориядик акатзавай инсанрихъ галаз чкайрал физ профилактикадин серенжемар тухузва. Районда общественно-политический ва диндин кIвалах вилик финиф къайдадик ква. ЯтIани ида чаз секин жедай себеб гузвач, АТК-ди жегьилрин арада, школайра, экстремизмдин терефдал алайбурун диде-бубайрихъ галаз кIвалах тухун давамзава.

ДР-дин Кьилин помощникар – республикадин АТК-дин аппаратдин векилар тир Тимур Зербалиева ва Сайпудин Сайпова, санлай къачурла, райондин АТК-дин кIвалахдиз рази жедай къимет гана, гьа са вахтунда абуру профилактикадин кIвалах мадни гужлу авун лазим тирди къейдна.

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3