Меню
6+

Сетевое издание «Кюре»

17.08.2020 16:55 Понедельник
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Райондин Кьил - хуьрера Эцигунрин ва аваданламишунин кIвалахар кьиле тухузвай объектрал

Райондин Кьил Нариман Абдулмуталибова жуьреба-жуьре программайрин сергьятра аваз муниципалитетда эцигунрин ва аваданламишунин кIвалахар кьиле тухузвай объектрал финин тежриба давамарзава, абур гьар йикъан гуьзчивилик кутазва.

ИкI, и йикъара райондин Кьил Нариман Абдулмуталибова Эминхуьре общественный территорияр аваданламишунин ва спортдин тадаракар эцигунин жигьетдай тухузвай кIвалахар гьикI кьиле физватIа ахтармишна.

Хуьруьн юкьвал сквер туькIуьрунин проект «Комфортная городская среда» республикадин программадин сергьятра аваз кьиле тухузва. И кIвалахар кьиле тухунин харжарин умуми кьадарди 3082708 манат пул тешкилзава. И объектдал чиле бетондин тротуардин плитаяр тунин, чиликай электроводкаяр, цин турбаяр тухунин кIвалахар кьиле тухванва. Проектдин сергьятра аваз ина аялар къугъвадай майдан туькIуьрнава, экверин столбаяр акIурнава, ял ягъун патал ацукьдай скамейкаяр, урнаяр эцигнава. Кьиле тухвай инспекциядин нетижайрай райондин Кьили авай кимивилер арадай акъудун,майдандин къене, патарив къайда тун, михьивал хуьн герек тирди тагькимардай щитар эцигун, меслят хьанвай схемадай тарар, къацу валар акIурун, цуьквер цун тапшурмишна.

Гуьгъуьнлай ам Эминхуьре эцигзавай майдандин спортдин тадаракрал фена. Ана мини-футболдин ва волейболдин майданар туькIуьрнава. И объектдин эцигунар «Комплексное развитие сельских территорий» Госпрограммадай кьиле тухузва, вични умуми къимет тир 5, 539 миллион манатдикай 5 процентдин кьадарда аваз бюджетдилай къецяй тир фондари пул чара ийиз хьайитIа.

И объектдал кьиле тухузвай эцигунрин кIвалахрин заказчик Дагсельхозстрой я. Алай вахтунда ина а чка элкъуьрна кIевзавай ограждение авуна куьтягьнава, майданра бетон цазва.

Райондин Кьили анал кьиле тухузвай и кIвалахрин еридал датIана гуьзчивал тухун УКС-дал тапшурмишна. УКС-дал ва хуьруьн поселенидин кьилел гьакIни алава яз проектдилай къецяй, и тадарак ачухдалди анихъ галай рекьера херхем тун ва тарар акIурун, гьакIни, заказчикдихъ галаз меслят хьуналди, воркаут майдандин ва автостоянкадин чкаяр тайинарунни тапшурмишна.

Районда физкультура ва спорт вилик тухунин месэладизни еке фикир гузва. Районда спортдин объектар чкадин бюджетдин , меценатрин, бюджетдилай къецяй тир фондарин такьатрин, гьакIни жуьреба-жуьре госпрограммайра иштирак авуналди эцигзава. И мини-футболдин майдан районда 9 лагьайди жезва», — къейдна ада.

Гьа и юкъуз Нариман Абдулмуталибов Чуьхверхуьре школадихъ, ФАП-дихъ ва КДЦ-дихъ галаз алакъалу тир М. Ярагскийдин тIварунихъ галай куьчеда къир цун патал аквазвай гьазурвилерихъ галазни таниш хьана. И кIвалах «Мой Дагестан – мои дороги» республикадин программадай кьиле тухузвайди я. Къир цадай майданди 5250 квадратдин метрдин майдан тешкилзава. Икьрарнамадин къимет 5054331,35 манат я. Алай вахтунда ана херхем твазва, герек чкайрик турбаяр кутазва.

Нариман Абдулмуталибова анин АСП-дин кьилел ва УКС-дин начальникдал чпи-чпиз кьунвайбурун чилер ахъаюналди рехъ гегьеншарун, ЛЭП-дин даяхар герек чкадал хкун, рекьин дуьз тушир чкаяр къайдадик кутун тапшурмишна.

Вири и кIвалахар къайдадик кваз ва еридивди кьиле тухун патал са жерге меслятарни къалурна.

Гьазурайди – А. Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

7