Оперативный штабдин заседанидал
Дагъустан Республикадин хуьруьн майишатдин ва суьрсетдин министр Мухтарбий Аджекован регьбервилик кваз агропромышленный комплексдин оперативный штабдин заседание кьиле фена, видео-алакъадин къайдада заседанидин кIвалахда Сулейман-Стальский райондин администрациядин Кьилин заместитель Заур Къагьриманова ва райондин хуьруьн майишатдинни суьрсетдин управленидин работникри иштиракна.
Заседанидал техилар тергдай лув гудай чIехи цицIерихъ галаз женг чIугвадай серенжемрихъ, гатфарин тумар цана акьалтIарунихъ, памбаг гьасилунин рекьяй ахтармишун (илимдин рекьелди) кьилиз акъудунихъ, гьакIни хуьрерин территорияр дуьзмишунин проектар контрактламишунихъ галаз алакъалу месэлайриз килигна.
Заседанидал алай гьар са месэладай муниципальный районрин кьилерин гьахъ-гьисабрихъ яб акална. Гуьгъуьна амай районриз иллаки еке дикъет гана. Дуьздал акъудай гьялиз тахьанвай гьар са месэла гьялдай вахтар тайинарна, герек куьмек гун патал анрихъ ДР-дин хуьруьн майишатдин ва суьрсетдин министерстводин работникар галкIурна.
Муниципалитетрин кьилерин гьахъ-гьисабдин рахунриз ДР-дин хуьруьн майишатдин ва суьрсетдин министр Мухтарбий Аджекова баянар гана. Ада властдин органрал гьар са месэла кьетIен гуьзчивилик кутунин, хуьруьн майишатдин шей гьасилзавайбуру гьар са кIвалах вахтунда тамамарунин ва вилик эцигнавай везифаяр кьилиз акъудун таъминарунин тапшуругъар гана.
Заседанидал алай месэлаяр фикирдиз къачуналди, къейд ийиз кIанзава хьи, Сулейман-Стальский районда гатфарин культурайри 1965 гектардин майдан кьунва.
«АлиЯк» ООО-ди 172 гектарда гатфарин мух ва 145 гектарда гзаф йисарин гатфарин векьер цанва.
«Сал» ООО-ди 12 гектарда гатфарин къуьл, «Шах-Абузар» СПК-ди 13 гектарда люцерна ва 1 гектарда нехв цанва.
Гатфарин салан майвайрин культураяр цун фикирнавай майданри 2390 гектар тешкилзава. Къенин йикъалди абур 1970 гектарда цанва. Идан чIехи пай кьилди ксарин куьмекчи майишатрал (ЛПХ-рал) ацалтзава.
ДР-дин хуьруьн майишатдин ва суьрсетдин министр Мухтарбий Аджекова Сулейман-Стальский районда тухванвай кIвалахриз, санлай къачурла, рази жедай къимет гана.
«Комплексное развитие сельских территорий» госпрограмма уьмуьрдиз кечирмишуникай рахайтIа, Сулейман-Стальский районда Зугьрабхуьре сквер арадал гъун гуьзлемишзава. Аукцион кьиле фенва. Алай йисан августдин эхирдалди пландин бинедаллаз эцигунринни-монтаждин кIвалахар кьиле тухвана акьалтIарун лазим я.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
