Кьегьал хва рикIера амукьда
Виридаз малум тирвал, дявеяр къурбандар галачиз жедач. Донбассда Россиядин Яракьлу Къуватри кьиле тухузвай женгинин махсус серенжемдани чи уьлкведин кьегьал рухваяр телеф жезва. Абурун арада жегьилар гзаф я.
Са тIимил йикъар вилик чи райондизни СВО-да телеф хьайи мад са ватанперес, кьегьал хва хкана: Кьасумхуьрелай тир Лукьманов Дагълар Гьажимегьамедович. Ам 1996-йисан 13-июндиз Кьасумхуьрел дидедиз хьана. Штурмовой группадин аскер яз СВО-да иштиракзавай Д. Лукьманов 2023-йисан 9-июлдиз Донецкдин Халкьдин Республикадин Артемовск шегьерда махсус серенжемда телеф хьана.
Д. Лукьманов 2023-йисан 15-августдиз Кьасумхуьруьн сурара кучудна. Кьегьал хва эхиратдин кIвализ рекье тунин ясдин мярекатда райондин Кьил Саид Темирханова, общественный хатасузвал хуьнин рекьяй райадминистрациядин Кьилин заместитель Абуталиб Фатулаева, военный комиссариатдин къуллугъэгьли Къазибег Абдуразакьова иштиракна, абуру регьметлудан диде-бубадиз, багърийриз башсагълугъвал гана.
Кьегьал хва Дагълар Гьажимегьамедовичан экуь къамат инсанрин рикIера эбеди яз амукьда.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
