Мад са контрактник
Сулейман-Стальский райондин администрацияди, военный комиссариатди ва талукь къуллугъри жегьилар контрактдин къайдада Россиядин Яракьлу Къуватрин жергейриз къуллугъ ийиз рекье тун патал еке кIвалах тухузва.
И йикъара Кьасумхуьрелай тир 50 йисан яшда авай запасда авай сержант Рамиз Меликова вичиз Яракьлу Къуватрин жергейра котрактдай къуллугъ ийиз кIанзавайдакай лагьана.
Дяведин гьерекатрин ветеран Рамиз Меликова Тажикистандин Шурабадеда 12-Москвадин сергьятдин заставадал армиядин жергейра къуллугъна.
Контрактдай къуллугъ ийиз кIанзавай Р. Меликов общественный хатасузвал хуьнин рекьяй райадминистрациядин Кьилин заместитель Абуталиб Фатулаева кьабулна. Ватанпересвиляй чухсагъул лугьунихъ галаз санал, А. Фатулаева адаз чандин сагъвал ва дяве куьтягь хьана вири жегьилар сагъ-саламатдиз хизанрин патав хтана кIанзавайди лагьана. ГьакIни Мергьеметлувилин «Умуд» фондунин патай Р. Меликоваз 100 агъзур манат пул гана.
2024-йис башламишайдалай кьулухъ Рамиз Меликов Яракьлу Къуватрин жергейриз контрактдин къайдада къуллугъ ийиз физвай 12-кас я.
Асият Мирзалиева
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
